ආසියානු කුසලානය සදහා මලයාසියාවේ පවත්වන තරගාවලියේදී අපරාජිත ශ්රී ලoකා 19න් පහළ කණ්ඩායම අද දින අවසන් පූර්ව වටයට සුදුසුකම් ලැබීමට සමත්විය.
ශ්රී ලoකා කණ්ඩායම කාණ්ඩ තරගාවලිය යටතේ තරග කළ අවසන් තරගය අද ක්වාලාලාම්පූර් නගරයේ කටාර් රාජ්යය අතර පැවැත්වීය. එහිදී ජයග්රහණය ලැබීමට හැකිවීම හේතුවෙන් තම "බී" කාණ්ඩයේ පෙරමුණ ගැනීමට සමත් විය.
ශ්රී ලoකා පිළ කාසියේ වාසිය දිනා පළමුව පහරදීමට පිටියට පිවිසියේය. තරගයට වර්ශාවෙන් බාධාවීම නිසා පන්දු ඕවර 42කට සීමාකොට තරගය ආරම්භ කලද පසුව ශ්රී ලoකා ඉනිම පන්දු ඔවර 26ක්ව තිබියදී වර්ශාව නිසා අත් හිටුවීමට සිදු විය. ඩක්වත් ලුවිස් න්යායට අනුව ලකුණු 188ක ඉලක්කයක් කටාර් පිලට ඔවර 26ක් තුළ ඒ අනුව ලබා ගැනීමට සිදුවිය.
අද තරගයේ ලකුණු සාරාශය
ශ්රී ලoකා 19න් පහළ කණ්ඩායම 126/2 පබසර වඩුගේ 76, සෙබස්තියන් පෙරේරා 28
කටාර් 19න් පහළ කණ්ඩායම 100/8 අලි ඉස්තියාක් 24, තරින්දු කෞශාල් 30/3
ශ්රී ලකාව 19න් පහළ කණ්ඩායම ලකුණු 86කින් ජය ලැබීය.
ශ්රී ලoකා 19න් පහළ කණ්ඩායම මිට පෙර පැවති තරග දෙකෙන්ම ජයගත් අතර එහිදී ඇෆ්ගනිස්ථානය හා බoගලාදේශය පරාජය කරන ලදී. තරගාවලිය පුරාම කැපී පෙනෙන දක්ශකම් දැක්වීමට ගාල්ල රත්ගම දේවපතිරාජ විද්යාලයේ තරිදු කෞශාල් සමත්වූ අතර එහිදී තරග 3කදී කඩුළු 10ක් දාවලන්නට සමත් විය. එසේම මහනුවර ධර්මරාජ විද්යාලයේ සදුන් වීරක්කොඩි ද පිත්තෙන් දක්ෂතා දැක්වීමට සමත් විය.
"ඒ" කාණ්ඩයේ පෙරමුණ ගැනීමට පාකිස්ථාන කණ්ඩායම සමත් වූ අතර ප්රභල ඉන්දියානු කණ්ඩායම එක් ලඛුණකින් පරාජය කොට එම ස්ථානය ලබා ගැනීමද සැලකිය යුතුය.
ඉන්දියාව හා පාකිස්ථානය අතර තරගයේදී පාකිස්ථානය මුලින් පහරදී ලකුණු 287ක් කඩුළු 7කට රැස් කල අතර, ඉන්දියාව පිළිතුරු ලෙස ලකුණු 286ක් ලබා ගැනීමට සමත් විය.
"ඒ" කාණ්ඩයේ 2වන ස්ථානය ඉන්දියාව උසුලන අතර. "බී කාණ්ඩයේ 2වන ස්ථානය ඇෆ්ගනිස්ථානය උසුලයි.
තරගාවලියේ අවසන් පූර්ව තරග 28වන දින පාකිස්ථානය හා ඇෆ්ගනිස්ථානය අතරද,
29වන දින ශ්රී ලකාව හා ඉන්දියාව අතරද පැවැත්වීමට නියමිතයි.
මෙම තරගාවලියට කණ්ඩායම නම්කිරීමේදී නොබොදා අවසන් වුණු පාසල් ක්රිකට් තරගාවලිය කෙරෙහි තේරීම් කමිටුවේ අවධානය යොමුවී නැතිබව වැඩි දෙනාගේ මතය වී ඇත.
පාසල් සීමිත ඔවර තරගාවලියේ ශූරයන්වූ මහනුවර ත්රිත්ව විද්යාලයෙන් එම විදුහල් නායක නිරොශන් දික්වැල්ල පමණක් සුදුසුකම් ලබද්දී අනුශූරතාවය දිනාගත් අම්බලන්ගොඩ ධර්මාශෝක විද්යාලයෙන් කිසිදු ක්රීඩාකයෙකු තේරීම් කමිටුව විසින් තොරාගෙන නොමැත.
එසේම බොහො වාර්ථා අතරට ගිය කණිෂ්ඨ ක්රීඩකයන් තේරීම් කමිටුවට මග හැරී ගොස් ඇතිබව තතු දත් අයගේ මතයයි.
ශ්රී ලoකා 19න් පහළ කණ්ඩායම ලබන අගෝස්තු මස ඕස්ට්රේලියාවේ පැවැත්වෙන ලෝක කුසලාන තරගාවලිය සදහා සහභාගීවීමට ද නියමිතය.
