(20th June 2012,Cricturf) : තෝරා ගත් ක්රීඩා ඉසව් 12ක් සදහා පුනරුත්ථාපනය වන සාමාජිකයින් 131ක්
මීට දශක 3කට ඉහත ශ්රී ලංකාව දෙකඩ කිරීමට රජයේ හමුදාවත් සමග සටන් වැදුනු උතුරු නැගෙනහිර සන්නන්ධ සටන්කාමීන් රජයේ හමුදාවන්ට භාර වීමෙන් පසු දැනට බන්ධනාගාර හා පුනරුත්ථාපන අමාත්යාංශය යටතේ පුනරුත්ථාපනය වන ඛඔඔෑ සාමාජිකයින් ක්රීඩාව තුළින් රටට අභිමානයක් ගෙන දීම සදහා ඉදිරිපත් වී ඇතැයි ක්රීඩා අමාත්යාංශය පවසයි.
ක්රීඩා අමාත්යාංශය හා බන්ධනාගාර හා පුනරුත්ථාපන අමාත්යාංශයේ මගපෙන්වීම යටතේ දැනට පුනරුත්ථාපනය වන LTTE සාමාජිකයින් ක්
රීඩාවට යොමු කිරීමේ වැඩසටහන යටතේ ක්රිකට්, පාපන්දු, වොලිබෝල්, පිහිනුම්, කරාටේ, බර ඉසිලීම, කබඩි, කැරම් ,මලල ක්රීඩා, බැඩ්මින්ටන්, මල්ලවපොර,වෙඩි තැබීම,ඉසව් සදහා තෝරා ගැනීමේ පුහුණු කදවුරක් සුගතදාස ක්රීඩාංගණයේ දී ක්රීඩා අමාත්ය මහින්දානන්ද අලුත්ගමගේ බන්ධනාගාර හා පුනරුත්ථාපන අමාත්ය චන්සිරි ගජවීර අමාත්යවරුන්ගෙ ප්රධානත්වයෙන් සිදු විය.
දශක 03කට අධික කාලයක් උතුරු නැගෙනහිර පළාතේ පැවැති යුධමය වාතාවරණය හේතුවෙන් ලාංකීය ක්රීඩාවට අවශ්ය දක්ෂ ක්රීඩක ක්රීඩිකාවන් එම පළාත්වලින් ජාතික සංචිත නියෝජනය කිරීමට බාධාවක් වූ අතර රටට සාමය උදා වීමත් සමග උතුරු නැගෙනහිර පළාත්වල දක්ෂ ක්රීඩක ක්රීඩිකාවන් රැසකට එම අවස්ථාව ලබා දීම සදහා ක්රීඩා අමාත්යාංශය උතුරු නැගෙනහිර පළාත්වල ක්රීඩා යටිතල පහසුකම් සංවර්ධනය කරමින් ක්රීඩා සංවර්ධන ව්යාපෘතියක් මේ වන විට ආරම්භ කර ඇති අතර එම ව්යාපෘතියේ තවත් පියවරක් ඉදිරියට තබමින් LTTE සංවිධානයේ සන්නද්ධ සාමාජිකයින්ගේ ක්රීඩා දක්ෂතා හදුනාගෙන එම දක්ෂතාවන්වලට විශේෂ වටිනාකමක් ලබා දීම සදහා ජාතික සංචිත නියෝජනය කිරීමට අවස්ථාවක් ලබා දීමට ක්රීඩා අමාත්යාංශය පියවර ගෙන ඇත.
LTTE සංවිධානයේ සන්නද්ධ අංශයේ දක්ෂ වෙඩික්කරුවන් හදුනාගෙන ඔවුන් වෙඩි තැබීමේ ක්රීඩා ඉසව්වට යොමු කිරීම සදහා පෙරවරුවේ කොළඹ නාවික හමුදා කදවුරේදී කුසලතා හදුනා ගැනීමේ පුහුණුවක් පැවැත්වූ අතර එයින් ජාතිික කණ්ඩායම් නියෝජනය කිරීම සදහා ක්රීඩකයින් කීප දෙනෙකු තෝරා ගැනීමට හැකි වෙතැයි ක්රීඩා අමාත්යංශය විශ්වාසය පළ කරයි. LTTE සංවිධානයේ මුහුදු කොටි බලකායේ සාමාජිකයින් ලෙස කටයුතු කරමින් පිහිනුම් ක්රීඩාවේ දක්ෂතා දැක් වූ ක්රීඩකයින් පිහිනුම් ක්රීඩාවට යොමු කිරීමට ක්රීඩා අමාත්යංශය පියවර ගෙන ඇති අතර පිහිණුම් ක්රීඩාවට යොමු වූ ඇතැම් සාමාජිකයින්ට සැතපුම් 10ක දුර ප්රමාණයක් පිහිනීමේ දක්ෂතා තිඛෙන බවද අනාවරණය වී ඇත.
සෙසු ක්රීඩා ඉසව් වන ක්රිකට්, පාපන්දු, වොලිබෝල්, පිහිනුම්, කරාටේ, බර ඉසිලීම, කබඩි,කැරම් ,මලල ක්රීඩා, බැඩ්මින්ටන්, මල්ලවපොර,වෙඩි තැබීම ඉසව්වල කුසලතා හදුනා ගැනීම සුගතදාස ක්රීඩාංගණයේ දී සිදු වූ බව ක්රීඩා අමාත්යාංශය පවසයි. පෙරවරුවේ පැවැති කුසලතා හදුනා ගැනීමේ පුහුණු කදවුරට ක්රීඩා සංගම් පුහුණුකරුවන් , ක්රීඩා පරිපාලකයින් ,ක්රීඩා නිළධාරීන් පිරිසක් සහභාගි වූ අතර ක්රීඩා අමාත්යංශයේ ලේකම් උදය ආර් සෙනෙවිරත්න, පුනරුත්ථාපන හා බන්ධනාගාර අමාත්යාංශයේ ලේකම් පී. දිසානායක මහතා ඇතුළු ජ්යෙෂ්ඨ නිළධාරීන් පිරිසක් සහභාගී වූ බව ක්රීඩා අමාත්යාංශය පවසයි.
(C) Cricturf
