ඉසිපතන විදුහල හා රාජකීය විදුහල අතර අද පැවති සිoගර් කුසලාන පාසල් ඒ කොටසේ ලීග් රග්බි තරගයෙන් 34-22 ක තියුණු ජයග්රහණයක වාර්ථා කිරීමට ඉසිපතන විදුහලට හැකිවිය.
ලීග් තරගාවලියේ කණ්ඩායම් දෙක සහභාගීවූ අවසාන තරගයවූ අද තරගය මිල්රොයි ප්රනාන්දු අනුස්මරණ කුසලානය සදහා ලොන්ඩන් පෙදෙස සීර් එෆ්සී පිටියේදී පැවැත්විය.
අද තරගයට පෙර දෙපිළම තරග 6 බැගින් ජයග්රහණය කොට සිටි අතර ලීග් ශූරතාවයේ ඉදිරියට පැමිණීමට තිබුනු අවසන් අවස්ථාවද මෙය විය. ඉසිපතන විද්යාලය පළමු විනාඩි පහතුළ උත්සාහක දිනුමක් වාර්ථාකොට තරගයේ ඉදිරිය ගත් අතර පළමු අර්ධය නිමවනවිට රාජකීය විදුහල ඉදිරිය ගනිමින් 17-15 ලෙස නිමාවිය.
එහිදී ඉසිපතන ක්රීඩක උදිත තරනාත් විසින් උත්සාහක දිනුම් ත්රිත්වයක් ලබාගනිමින් තම කණ්ඩායමේ ලකුණු 15 ලබාදීම කැපීපෙනෙන සිදුවීමක් විය.
තරගයේ අවසන් මිනිත්තු කිහිපය තෙක් ලකුණු 22-20 ලෙස පෙරමුණේ පසුවූ රාජකීයයන්ගෙන් තරගය උදුරා ගැනීමට ඉසිපතන ක්රීඩකයන් අවසන් මොහොතේ සමත් විය. තරගයේ සිදුවෙන අබාධ සදහා ලබාදෙන අතිරේක කාලයත් උපරිම ඵල ලබාගත් ඉසිපතන ක්රීඩකයන් උත්සාහක දිනුම් දෙකක් හා ප්රවර්ථන දෙකද සාර්ථක කරගනිමින් තම ජයග්රහණය තහවුරු කර ගත්හ. අවසන් ප්රථිඵලය 34-22ක් වශයෙන් සටහන් වුන අතර 12වෙනි වරටත් මිල්රොයි ප්රනන්දු කුසලානය තාමන් සතු කරගන්නට සමත් විය. මින් පෙර මෙම කුසලානය රාජකීයන් විසින් ජයග්රහණය කොට ඇත්තේ 7 වතාවක් පමණි.
හෙට ලීග් කොටසේ තරගවල අවසන් දිනය අතර ත්රිත්ව විදුහල හා ඩීඑස් සේනානයක විදුහල අතර තරගය කෙරෙහි වැඩි දෙනාගේ අවධානය යොමුව ඇත. තරගය මහනුවර පල්ලෙකැලේ ක්රීඩාගණයේ පැවැත්වෙන අතර එහි ප්රථිඵලයෙන් ලීග් කොටසේ ශූරයන් තීරණය වනු ඇත.
