ශ්රී ල○කාවේ පැවැත්වීමට නියමිත අන්තර් පලාත් විස්සයි20 තරගාවලිය සදහා කණ්ඩායම් හිමිකරුවන්හට ලන්සු කැදවීමට ක්රිකට් ආයතනය කටයුතු කළේය. එහි සදහන්ව ඇති ආකාරයට ලන්සු තබන්නන් පසුගිය 25වන දිනට පෙර ලන්සු ඉදිරිපත් කළ යුතුව තිබූ අතර එම ලන්සු අයදුම් පත් රු.50,000/- ක බැදුම්කරයක් සමග ක්රිකට් ආයතනය වෙත භාරදිය යුතුව තිබිණ.
ඒ අනුව යමින් ආයතන හා පුද්ගලයන් අයදුම් පත් 17ක් ඉදිරිපත් කර තිබූ අතර ඉන් කණ්ඩායම් සදහා ඉදිරිපත් වූ ඉහළම ලන්සු ඉදිරිපත් කල ආයතන 7ක් තෝරා ගන්නා ලද බව ක්රිකට් ආයතනයේ ප්රධානියෙකු මාධ්ය වෙත සදහන් කර ඇත.
ඉන්දීය ක්රීඩකයන්ගේ සහභාගීත්වය අවිනිශ්චිත මොහොතක ඉන්දියානු ආයතන රැසක් මෙම ලන්සු තැබීමට ඉදිරිපත්ව ඇති අතර ඉන් තෝරාගත් ආයතන 6ක් සෘජුවම ඉන්දියානු ආයතන වේ. මෙහි එකම ශ්රී ලා○කික ආයතනය ලෙස සිසිල් බීම ආයතනයක්වන පෙප්සි ආයතනයේ ල○කා නියොජිතයන්වන "වරූණ් බෙවරේජ්" සමාගම පමණක් සුදුසුකම් ලබා ඇත. එම ආයතනයද ඉන්දියානු සම්භවයක් ඇති ආයතනයක් වන අතර නැගෙනහිර කණ්ඩායම සදහා මූල්යමය දායකත්වය ලබාදෙමින් එහි වසර 7ක හිමිකමට පත් වීමේ අවස්ථාව ඔවුන්ට ලැබී ඇත. ඔවුන් කණ්ඩායම් ලන්සු අතර පහළම ආයොජනය (ඇ.ඩො.මිලියන 3.22) ඉදිරිපත් කළ ආයතනයද වීම කැපි පෙනෙයි.
ඉන්දියානු සමාගමක්වන "වාදවන් හොල්ඩින්ග්ස් ලිමිටඩ්" ආයතනය ඉහළම මුදලක් ගෙවූ කණ්ඩායම වන අතර ඔවුන් වයඹ කණ්ඩායමට ඇ.ඩො.මිලියන 5.02 ගෙවීමට කැමැත්ත පළ කොට ඇත. මෙම ආයතන 7 සදහා ඒ ඒ කණ්ඩායම්වල අයිතිය පැවරෙන අතර එය වසර 7ක බද්දකට යටත්ව සිදු කරන බව ක්රිකට් ආයතනය සදහන් කොට ඇත. වසර 7ට පසු අවශ්යනම් සේවා දිගුවක් ලබාගැනීමට ආයතනවලට හැකියාවක් ඇති අතර කණ්ඩායම් හැර යෑමටද අවස්ථාව ඇත.
ඒ අනුව මෙම කණ්ඩායම් හිමිකාරීතවය පැවරීමෙන් පමණක් ශ්රී ල○කා ක්රිකට් ආයතනය ඇ.ඩො මිලියන 30කට ආසන්න මුදලක් උපයා ඇත. සි○ගප්පූරු සමාගමක්වන සමර්සෙට් ආයතනය තරගාවලියේ අතිරේක වියදම් රූපවාහිනී අයිතීන හා තරගාවලිය සම්බන්ධ අයිතීන් අලවියෙන් සොයා ගනු ඇත.
ඉන්දියානු ප්රිමියර් ලීග් තරගාවලියේ විකාශන අයිතිය ලබා සිටිය "සොනි මැක්ස්" ආයතනයේ නවතම නාලිකාවක් විසින් ශ්රී ල○කා ප්රිමිය ලීග් තරගාවලියේ විකාශන අයිතියද ලබාගනු ඇතැයි සදහන්ය.
එක් කණ්ඩායමක් සදහා උපරිම ක්රීඩකයන් 18 දෙනෙකු එක් කර ගැනීමේ අවස්ථාව හිමිකරුවන් වෙත ලැබෙන අතර විදෙස් ක්රීඩකයන් 4 දෙනෙකු හා අවුරුදු 21න් පහළ එක් ක්රීඩකයෙකු සැම කණ්ඩායම් ස○යුතියකම සිටිය යුතුබව නියම කොට ඇත. ශ්රී ල○කා දේශීය ක්රීඩකයන්ටද සැලකිය යුතු මුදලක් ලැබෙන මෙම තරගාවලිය ඔවුන්ගේ හැකියාවන් වර්ධනය කරමින් ඉදිරි විස්සයි20 ලෝක කුසලානයට ජාතික කණ්ඩායමට එක්වීමේ අවස්ථාව සලසා ගැනීමට තොතැන්නක් කර ගත යුතුය.
ඉදිරි සතිය තුළ තරගාවලියට අදාළ ක්රීඩක ලන්සු තැබීම කණ්ඩායම් හිමිකරුවන් විසින් සිදුකිරීමට නියමිත අතර ඊට අදාළ ක්රීඩක ලයිස්තුවක් ක්රිකට් ආයතනය මගින් ලබාදීමට නියමිතය. එහිදී දේශීය ක්රීඩකයන් 40 දෙනෙකු හා විදෙස් ක්රීඩකයන් ල○සු තැබීම මගින් කණ්ඩායම් සදහා තොරා ගැනීමට නියමිතය.
කණ්ඩායම් හිමිකාරත්වය ලද ආයතන
වයඹ - වාදවන් හොල්ඩින්ග්ස් පුද්. සමාගම - $ මිලියන 5.02
කදුරට - නම්බර් වන් ස්පොර්ට්ස් කන්සුල්ටින්ග් පුද්. සමාගම - $ මිලියන 4.98
රුහුණ - පර්ල් ඔවර්සීස් සමාගම - $ මිලියන 4.6
ඌව - සක්සස් ස්පොර්ට්ස් පුද්. සමාගම - $ මිලියන 4.6
බාස්නහිර - ඉන්ඩියන් ක්රිකට් ඩන්ඩී සමාගම - $ මිලියන 4.33
උතුර - රුද්රා ස්පොර්ට්ස් පුද්. සමාගම - $ මිලියන 3.4
නැගෙනහිර - වරුණ් බෙවෙරජස් ල○කා පුද්. සමාගම - $ මිලියන 3.22
(මෙම සටහන මාධ්ය මගින් පළවූ ආකරයට වන අතර නිල නිවේදනය මේවනතෙක් ලැබී නොමැත)
ඡායාරූපය: ගිය වසරේ අන්තර් පළාත් විස්සයි20 තරගාවලිය දිනාගන්නා ලද රුහුණු කණ්ඩායම කුසලානය සමග.
