ශ්රී ලංකාවට ජාත්යන්තර පදක්කම් දිනාගත හැකි ක්රීඩාවක් වශයෙන් ඉදිරියෙන් සිටින බැඩ්මින්ටන් ක්රීඩාව නගරයේ ප්රධාන පාසල්වල ජනප්රිය ක්රීඩාවක් වුවත්, එය ග්රාමීය වශයෙන් ව්යාප්ත වී නොමැති බැවින්, බැඩ්මින්ටන් ක්රීඩාව ගමට ගෙන යාමට නම් පළාත් සංගම්වලින් ඉවත්වී බැඩ්මින්ටන් ක්රීඩාව දිස්ත්රික් මට්ටම දක්වා ව්යාප්ත කරන්නැයි ක්රීඩා අමාත්ය මහින්දානන්ද අලුත්ගමගේ මහතා ශ්රී ලංකා බැඩ්මින්ටන් සංගමයේ නිළධාරීන්ට ඊයේ (24) දිනයේ දැනුම් දුන් බව ක්රීඩා අමාත්යාංශය අවධාරණය කරයි .
බැඩ්මින්ටන් ක්රීඩාවේ වර්තමානයේ ඇති වී තිබෙන අර්බුධකාරී තත්ත්වයන් පිළිබඳ සොයා බැලීම සඳහා ඊයේ (24) දින පෙවරුවේ ක්රීඩා අමාත්යාංශයේ දී ක්රීඩා ඇමතිවරයා හා බැඩ්මින්ටන් සංගමය අතර විශේෂ සාකච්ඡාවක් පැවැති අතර, එහිදි බැඩ්මින්ටන් ක්රීඩාවේ වර්තමානයේ පවතින ගැටලු පිළිබඳ විශේෂ අවධානයක් යොමු කරමින් අදාළ ගැටලු නිරාකරණය කිරීමට අවශ්ය උපදෙස් ක්රීඩා අමාත්ය මහින්දානන්ද අලුත්ගමගේ මහතා ලබාදුන් බව ක්රීඩා අමාත්යාංශය පවසයි.
බැඩ්මින්ටන් ක්රීඩාවේ තේරීම් තරඟ පැවැත්වීමේ දී සංගමය විසින් සිදු කරන අඩුපාඩු පිළිබඳව අවධානය යොමු කළ ක්රීඩා අමාත්යවරයා එම ක්රීඩක ක්රීඩිකාවන්ට සාධාරණ ලෙස ක්රීඩා කිරීමට අවස්ථාව ලබා දීමට සංගමයේ මූලික වගකීමක් බව මෙහිදී අවධාරණය කර තිබේ. අ.පො.ස සාමාන්ය පෙළ හා උසස් පෙළ විභාග පවතින කාලයේදී පුහුණු තරඟ හෝ තේරීම් තරඟ පැවැත්වීම සිසුන්ගේ අධ්යාපන කටයුතුවලට බාධාවක් විය හැකි බැවින්, එවැනි විභාග දිනයන්වල තරඟ නොපැවැත්වීමට වග බලා ගන්නා ලෙසද බැඩ්මින්ටන් සංගමයට දැනුම් දුන් බව ක්රීඩා අමාත්යාංශය අවධාරණය කරයි.
ක්රීඩාවේ විනය පිළිබඳව දැඩි අවධානයක් යොමු කරන ලෙසද දැනුම් දුන් ක්රීඩා අමාත්ය මහින්දානන්ද අලුත්ගමගේ මහතා බැඩ්මින්ටන් සංගමයට දැනුම් දී ඇති අතර, තේරීම් තරඟ වලදී අනවශ්ය ලෙස බැඩ්මින්ටන් ක්රීඩාවට බලපෑම් කරන දෙමව්පියන් හා ක්රීඩකයින් පිළිබඳ ඉදිරියේදී දැඩි විනය ක්රියාමාර්ගයක් ගන්නැයි ශ්රී ලංකා බැඩ්මින්ටන් සංගමයට දැනුම් දී ඇති බව ක්රීඩා අමාත්යාංශය පවසයි.
මාධ්ය නිවේදනය
