"ඉන්දියානු කණ්ඩායම ප්රභල කණ්ඩායමක් ඔවුන් සැමවිටම අවශ්ය විටක නැගී සිටිය හැකි කණ්ඩායමක්, ඔවුන් ගැන අඩු තක්සේරුවකින් අප ක්රීඩාකරන්නෙ නැහැ. " ශ්රී ල○කා කණ්ඩායම් උප නායක ඇන්ජලො මැතිව්ස් ප්රකාශ කර සිටියේය. 
ඉන්දියාවට එරෙහිව තුන්වන එක්දින තරගයට ප්රථම මාධ්ය දැනුවත් කිරීමේ අවස්ථාවකට එක්වූ ඇන්ජලො මැතිව්ස් තම කණ්ඩායමේ සූදානම පිළිබදව තම අදහස් දැක්වීය.
ශ්රී ල○කා කණ්ඩායමේ වෙනස් කිරීමක් කිරීමේ අවශ්යතාවයක් නොමැති බව පැවසූ මැතිව්ස් පෙර තරග කළ කණ්ඩායමම හෙට දිනද ක්රීඩාකිරීමේ ඇති හැකියාව වැඩි බව සදහන් කර සිටියේය.
කණ්ඩායමක් ලෙස තමන් ඉතා ශක්තිමත් බවත් තරගාවලිය ජයගැණිමට තම කණ්ඩායාමට ඇති හැකියාව පිළිබදව සැහීමකට පත් විය හැකිබවත් මැතිව්ස් තව දුරටත් කියා සිටියේය.
ඉසුරු උදානගේ පන්දු යැවීම පිළිබදව සදහන් කරමින් මැතිව්ස් කියා සිටියේ ඔහුගේ පළමු තරගයේදී ඔහු තරමක් තිගැස්මකින් පසු වූ බවත්, ඔහු පන්දු යවන්නෙකු වශයෙන් හොදින් තම කාර්යය ඉටු කළහැකි ක්රීඩකයෙකු ලෙසත් තමන් මෙන්ම කණ්ඩායමද විශ්වාස කරන බවත් පැවසීය.
තිසර පෙරේරාගේ පන්දු කරනය පිළිබදව ඉතාමත් ප්රශ○සා මුඛයෙන් කථාකල මැතිව්ස් ඔවුන් දෙපල යුගලයක් ලෙස පන්දු යැවීමේදී ඉතාමත් ශක්තිමත් ලෙස ක්රීඩාකරන බව ප්රකාශ කළේය. තිසර පෙරේරා හා මැතිව්ස් දෙපළම මරදාන ශාන්ත ජෝශප් විදුහලේ එකම කණ්ඩායමේ ක්රීඩාකළ ක්රීඩකයන් වීමත් දෙදෙනාම එකම ඉරියව්වකින් පන්දු යැවීමද විශේෂත්වයකි.
ප්රේමදාස පිටිය පිළිබදව නොබොදා අවසන් වුණ පාකිස්ථානයට එරෙහි තරගයට මතකය ගෙන ගිය මැතිව්ස් විදුලි අලෝක තත්වය මධ්යයේ වුවද ලකුණු හඹායාම එතරම් අපහසු නොවන බව පැවසීය. නමුත් ප්රේමදාස ක්රීඩා පිටියේ ඉතිහාසය ගෙන බැලුවහොත් එය එතරම් පහසු කටයුත්තක් නොවන බව පෙනී යයි. නමුත් ලෝක කුසලානයට පෙර ක්රීඩාගණයේ නවීකරණ කටයුතුවලින් අනතුරුව, තණතීරුවේ යම් පිතිකරුවන්ට වාසිදායක තත්වයක ඇතිවී ඇති බව පෙනී යයි.
ශ්රී ල○කාව මේවනවිට තරග 1-1 වශයෙන් තරගාවලිය සම කර ගැනීමට සමත්ව සිටින අතර තරගාවළියේ පෙරමුන ගැනීමට හෙට දින තරගය මනා පිටුවහලක්වනු ඇත.
